Apple компани ирэх есдүгээр сард танилцуулах төлөвтэй байгаа iPhone 18 Pro загварын талаарх шинэ мэдээллүүд технологийн салбарын анхаарлыг татаж байна. Хэдийгээр Apple албан ёсоор техникийн үзүүлэлтээ зарлаагүй байгаа ч сүүлийн өдрүүдэд гарсан мэдээллүүдээс үзэхэд шинэ загвар нь дизайн, хиймэл оюун ухааны боломж болон гүйцэтгэлийн хувьд томоохон шинэчлэлтэй байж магадгүй байна.
Технологийн хэвлэлүүдийн мэдээлснээр, iPhone 18 Pro нь өмнөх үеийнхээс илүү нимгэн хүрээтэй дэлгэц, шинэ үеийн A20 Pro процессор, сайжруулсан камерын систем, батарейн үр ашиг болон Apple Intelligence-ийн өргөтгөсөн боломжуудтай байж болзошгүй аж. Мөн Face ID системийн зарим бүрэлдэхүүн дэлгэцийн доор байрласнаар Dynamic Island өмнөхөөс жижиг болох тухай мэдээлэл гарчээ.
Мөн шинжээчид Apple энэ жилийн танилцуулгаараа анхны эвхэгддэг iPhone загвараа хамтад нь танилцуулж магадгүй гэж таамаглаж байгаа бөгөөд энэ нь сүүлийн жилүүдийн хамгийн их хүлээлт үүсгээд буй бүтээгдэхүүнүүдийн нэг болоод байна. Гэхдээ энэ талаар Apple албан ёсны мэдэгдэл хийгээгүй байна.
Зах зээлийн шинжээчдийн үзэж буйгаар, iPhone 18 цуврал нь Apple-ийн энэ оны борлуулалтын өсөлтийг тодорхойлох гол бүтээгдэхүүн байх төлөвтэй бөгөөд шинэ загварын үнэ өмнөх үеийнхээс өсөх магадлалтай гэж үзэж байна.