АНУ-ын Тагнуулын төв газрын (CIA) захирал Жон Рэтклиффийн мэдэгдсэнээр, Украинд тулалдахаар фронтын шугамд ирж буй Оросын шинэ дайчдын дундаж амьд үлдэх хугацаа ердөө 20–30 минут байна.
Тэрээр энэхүү үнэлгээ нь АНУ-ын тагнуулын мэдээлэл болон нээлттэй эх сурвалжуудын мэдээлэлтэй нийцэж байгааг онцолж, Украины хиймэл оюун ухаанаар дэмжигдсэн довтолгооны дронууд тулааны талбарыг урьд өмнөхөөс хавьгүй үхлийн аюултай болгосныг тэмдэглэжээ.
Рэтклиффийн хэлснээр, Украины дронд суурилсан шинэ тактик нь Оросын давшилтын хурдыг эрс сааруулсан бөгөөд сүүлийн 18 сарын хугацаанд Орос нийт Украины нутаг дэвсгэрийн ердөө ойролцоогоор 1 хувийг л нэмж эзэлсэн байна. Мөн АНУ Украинд хэрэглэж буй дэвшилтэт дроны технологи, асимметрик дайны туршлагаас суралцах шаардлагатай гэж тэрээр онцолсон байна